آت
آتا مینماخ بیر عیب اولسا؛ آتدان دوشماخ مین عیب دی
بو آتابابا سوزی او زمانلار ایشلنرکی بیری بیر نظره گلن پیس ایش یا اصلا دوز ایشی باشلیه و ایستیه او ایشین آرا دا براخا ، اوندا دییللر کی آتا مینماخ بیر عیب اولسا آتدان دوشماخ مین عیبدی.
فرض الیین بیر نفر ائولنیر و اونون ائولنمسی هر دلیله گوره اشتباه دی ولی بهرحال ائولنیر و بیر مدتدن سورا بوشانماخ ایستیر. بونا او مثل ایشلنر کی یانی ائولنماغین بیر عیب اولسایدی بوشانماغین مین عیب دی
آت
آت اوْلوب ایتین بایرامی دی
بو مثل اوندا ایشلنر کی بیر شخصیتلی و بویوک اینسان بیر یردن کوچه یا اوْله و اونون یرینه بیر چیچیح و شخصیتسیز اینسان اونون یرین توتا.
آتا
آتانین دعاسی آنانین آهی
اوجورکی آتابابالاریمیز دییب بو ایکی دانا آدامی تز توتار
آتا
بو بیر شاهکار دی بیزیم آتا بابا سوزلریمیزده. من شخصا آتابابا سوزلریمیزه چوخ علاقم وار آما بو مثل اولاردان دی کی چوخ چوخ سئورم
بیر یازیخ انسان کی یاشاییشیندا هرکسدن بیر ضربه ییه بونو دییر
یانی اوشاخ کن آتام منه کور دییب هر گلنه وور دییب
-----------------------------
عزیزلر سیزدن خواهش الییرم بو گوزل سوزلری ایشلدین بولار هچ دیلده تاپیلماخ قورومالییخ بولاری...
فارسیدا کنایه، متلک و بونا اوخشار کلمه دی.
آتماجانی معمولا بیر نفر ایسته سه بیرینه اوستی اورتولی سوز آتا ایشلدر
یا دا فرض الیین کی ایکی نفر بیر بیرینن آجیخلی دی گوررسن هی سوز آراسیندا دیل یاراسی وورور بیر بیرینه ؛ بولارا آتماجا دا دییلر
مثال:
فرض الیین ایکی نفر باهم دانیشیر و اوچومونجی آدام دا کناردان دوروب گولاخ آسیر یا اوز ایشینده دی و مثلا اوچومونجی آدام دا بیراز کاسیبدی و تازالیخدا ائوینه مبل آلیب. بو ایکی نفرین بیری ایستیر اوچومینجی نفرین کاسیبلیغین اوزونه چکه سوزون آراسیندا دییر "بعضی لرده تومانچاخ دی گدیر ائوینه مبل آلیر"!
بونا دییللر آتماجا!