آت
آتا مینماخ بیر عیب اولسا؛ آتدان دوشماخ مین عیب دی
بو آتابابا سوزی او زمانلار ایشلنرکی بیری بیر نظره گلن پیس ایش یا اصلا دوز ایشی باشلیه و ایستیه او ایشین آرا دا براخا ، اوندا دییللر کی آتا مینماخ بیر عیب اولسا آتدان دوشماخ مین عیبدی.
فرض الیین بیر نفر ائولنیر و اونون ائولنمسی هر دلیله گوره اشتباه دی ولی بهرحال ائولنیر و بیر مدتدن سورا بوشانماخ ایستیر. بونا او مثل ایشلنر کی یانی ائولنماغین بیر عیب اولسایدی بوشانماغین مین عیب دی
آت
آت اوْلوب ایتین بایرامی دی
بو مثل اوندا ایشلنر کی بیر شخصیتلی و بویوک اینسان بیر یردن کوچه یا اوْله و اونون یرینه بیر چیچیح و شخصیتسیز اینسان اونون یرین توتا.
آت
آتین سورور کی منده ممغان لیه م
" اهل ممغان هستم "
بو مثلین هاردان گلمسین من اوزومده بیلمیرم آما او یرده ایشلنر کی بیری ایستیه اوز وارلیغین و یا الینن گلنی و آیری زادلارین گورسده
بونی دییللر یانی : طرف ایستیر دیه منده وارام!
آت
آتی آت یانینا باغلاسان همرنگ اولماسا دا هم خوی اولار
او یرده کی ایستیاخ ایکی نفرین بیر بیرینه اوخشاماغین (اخلاق دا) یتیراخ ایشلدریخ
مثلا ایکی قردش کی بیر چوخ وارلی بیری چوخ کاسیب اولا، یا بیری گوزل بیری چیرکین اول، یا بیری مهندس بیری کارگز اولا و.. ولی ذاتیلاری بیر اولار... و بئله یرلرده